Territorios promiscuos

Novo programa de A Resistencia do Dedo Medio para celebrar os territorios promiscuos, a memoria, os puntos de encontro e, sobre todo, o presente.

Na primeira parte do programa compartimos unha entrevista con Joana Sales, activista de UMAR, e promotora dos Encontros de Mulheres na Lusofonía que falou con nós a través dunha companheira revirada.

Na segunda parte deixámosvos coa selección musical que fixemos para colaborar no último xantar solidario do Festival das Brétemas que celebra a sua VII edición -Somos do monte- o o 28 e 29 de setembro en Ponteareas.

Cando se mira o mundo só se pode ser pesimista, mais cando pasamos á acción só podemos ser optimistas. Palabra de Gramsci.

Esta vez sen playlist, para que o gocedes máis e melhor 😉

Imaxe de Kusakabe Kimbei
Mulleres bailando. Imaxe de Kusakabe Kimbei

Ata o próximo programa de A Resistencia do Dedo Medio! Pode ser calquera día…

Obrigadísimas a Alba F., a quen lhe colhimos prestadas as súas declaracións, por ser tan estupenda e ter as cousas tan claras. E a G. por prestarse a colaborar con nós e ser, sempre, tan eficiente e coidadosa.

Anuncios

A rebeldía de xuntar o que o capitalismo divide

Volve A Resistencia do Dedo Medio.

O pasado 2 de abril -grazas ás facilidades que nos deron desde a Aula Castelao de Filosofía- puidemos pasar un tempo falando con Silvia Federici que viu a Pontevedra a participar na XXXV Semana Galega da Filosofía e a falar sobre «Mulleres e a reconstrución do común».

silvia federici

Xunto ás compañeiras do Novas da Galiza conversamos con ela sobre feminismos populares e de clase, sobre as prácticas feministas de construción do común, sobre a rebeldía, a autoxestión e as bruxas.

Se tamén é a vosa loita, aquí tedes todo o que nos contou.

Queremos dedicar este programa á memoria de todas as mulheres feministas que loitan por xuntar o que o capitalismo divide. Grazas por seguir sementando posibilidades nas nosas vidas.

Ata o próximo programa! Sigue leyendo

Polas que non poden parar

20180304_132133

O movemento feminista convoca unha folga internacional o próximo 8 de marzo. O chamamento é a un paro laboral, de coidados, estudantil e de consumo. 24 horas sen o trabalho das mulheres para que se pare o mundo.

O 4 de marzo tivo lugar en Vigo unha marcha unitaria do feminismo galego na que participaron milleiros de persoas. Coa emoción e a enerxía de todo o vivido este domingo lanzamos unha convocatoria urxente para que -nunhas poucas horas- as mulheres que quixeran nos fixeran chegar os motivos polos que decidiran parar ou polos que non podían facelo.

Grazas a todas as compañeiras que buscaron un oco para gravarse e enviarnos os seus motivos. Grazas tamén a todas as que sabemos que querían facelo pero en tan pouco tempo lhes resultou imposible. É un pracer saber que hai tanta compañía na Resistencia.

*Foinos imposible sacar máis tempo para poder ecualizar tamén os audios ademais de montar o programa. Escoitade a un volume baixo 😉

 

Sigue leyendo

Sen nós non se move o mundo

O trabalho reprodutivo e os coidados son temas centrais da axenda feminista desde os comezos do movemento. Ao longo dos últimos séculos, o heteropatriarcado capitalista transformou o  traballo doméstico nun atributo natural da feminidade, en lugar de ser recoñecido como un traballo máis, porque estaba destinado a non ser remunerado.  Ocupouse ademais de invisibilizalo, deixando así ás mulleres nun lugar de grande vulnerabilidade, como se pode ver estos días no caso de Gloria, unha traballadora do fogar agredida polo fillo do seu empregador, ao que se enfronta valentemente este mércores 13 nos xulgados de Compostela.

O 25 de novembro, Día Internacional Contra as Violencias Machistas, estivemos en Compostela conhecendo o trabalho da Asociación Sociocultural Nosotras Por los cuidados y el Empleo del Hogar. Nosotras é un colectivo de mulleres migrantes de Granada que reivindica os coidados e o traballo do fogar como tarefas esenciais para o sostemento da vida e das persoas.

Sigue leyendo

A danza é a melhor vinganza

a danza é a mellor vinganza

Retomamos a actividade agora que parece que remata o verán e chega o frío.

Estivemos agardando ao outono para lanzar este programa pero este maldito cambio climático non nos deixou facelo ata agora. Así que, xa que por fin chegaron as xiadas, aquí vai!

Agardamos que nos sirva para invocar xuntas á chuvia 😉

Traémosvos unha selección dalgúns dos nosos temas favoritos, inspirados por catro propostas :

-summertime

-músicas do país

-novo, velho, prestado e azul

-directos

e un peche con recomendacións extra.

Esperamos que vos gusten e que escorrentedes o frío con nós.

 

 

 

Nós tamén estamos F A R T A S

21850516_10154734675502657_1818392941_n A Resistencia do Dedo Medio estreamos colaboración coa Revirada porque nós tamén estamos F A R T A S!

Fartas de fronteiras.

Fartas do amor romántico.

Fartas dos moralismos, tamén os da esquerda.

Fartas do racismo, e de novo, da moral.

Fartas do clasismo.

Fartas do heteropatriarcado.

Fartas de ser precarizadas, violentadas, e asasinadas.

Fartas dos esencialismos, da mística da feminidade.

Fartas dos machos.

Fartas de ser compracentes, de facer pedagoxía, de manter as formas.

Fartas do que a historia nos debe, do que nós debemos a quen está en lugares menos privilexiados ca nós.

Estamos fartas.

Fartas de esperar a que suceda a revolución.

►Playlist Sigue leyendo

Ocupemos todo

Volvemos cun novo programa da Resistencia do Dedo Medio, co noso ritmo, para cuestionar que traballar en xullo se faga con orgullo.

imaxe programa

Desta volta traemos un programa no que falamos coas companheiras do CSO Escarnio e Maldizer que o día 30 de maio era desaloxado en Compostela. Nos días seguintes a policia cargou contra as protestas  e houbo unha forte campanha nos medios para tratar de deslexitimar o trabalho feito nestes tres anos. Na Resistencia do Dedo Medio #NósTambémSomosEscarnioEMaldizer porque, como recolhía estes días un texto nas redes: «a solidariedade é semente na nosa autonomía, nas nosas relacións, o reverso da súa miseria.»

O programa continúa cunha entrevista a unha das integrantes do Espazo Vegafeminista. Este grupo de trabalho presentou nos últimos meses a Guía de boas prácticas para evitar o sexismo no movemento antiespecista. Falamos con ela deste documento e de cómo é a relación entre o feminismo e o antiespecismo. O texto da introdución é unha tradución propia e libre dun fragmento que aparece nun dos fanzines do colectivo Jauria. Podedes descargar este e outros zines do grupo libremente na rede.

Escoitadenos. Compartide. Ocupade con nós as praias, os ríos e as montanhas. Ata o próximo programa!

Grazas infinitas a todas as amigas e compas que participaron neste programa e que compartiron o seu trabalho con nós e o seu tempo ❤

► Playlist

Sigue leyendo